Her er området Statens vegvesen no skal sikra betre mot skred langs riksveg 15 i Stryn. Foto: Statens vegvesen
Publisert: 27.05.2022 

Fire vil sikra dette området endå betre mot skred

Her, på Dårflot langs riksveg 15 i Stryn, sikrar Statens vegvesen endå betre mot skred. Fire firma konkurrerer om oppdraget.

Desse fire har levert tilbod:

Tilbydar: Tilbodssum ekskl. mva:
Lesja Bulldozerlag AS 9.096.461,40
Aurstad Tunnel AS frå Hovdebygda 9.247.690,00
Mesta AS 9.922.948,13
Kveen AS frå Stryn 15.215.300,00

Det har vore fleire hendingar med flaum- og jordskred i området, og Djupesvora er eksponert for både snøskred, sørpeskred og flaumskred.

Difor gjer vi no fleire tiltak for å betra framkomsten og trafikktryggleiken området, som igjen skal bidra til Statens vegvesens nullvisjon for drepne og hardt skadde i trafikken.

Dette skal gjerast

– Vi skal utvida bassenget, slik at det har større kapasitet ved eventuelle skred og ved høg vassføring. Vi skal forlenga kulverten under vegen inn i terrenget, og vi skal montera betongrekkverk mellom elva og vegen, seier byggeleiar Pål-Anders Rindal i Statens vegvesen.

Vi skal også byggja to tilkomstvegar oppe i terrenget, slik at tilkomsten er betre med tanke på oppreinskning ved seinare skred.

Skal gjerast i år

Arbeidet skal gjerast i år.

– Vi tek sikte på å signera kontrakt og koma i gang med arbeidet så snart som mogleg. Fristen for å bli ferdig er 18. november, og ein delfrist på å bli ferdig med skrednetta er 30. september, legg Rindal til.

Vegstykket som no skal få betra skredsikringa, har ein gjennomsnittlegg trafikk på 1.500 køyretøy i døgnet. Dette er dette som vert kalla årsdøgntrafikk (ÅDT). Av dette er 19 prosent, eller 285, lange køyretøy.

Email
Kopier link
Del med

Jobb

Se alle ledige stillinger her
Hold deg oppdatert med nyhetsbrev fra Samferdsel & Infrastruktur