Ønskjer du spennande utfordringar i eit megaprosjekt der du jobbar med veg og bane og for to av Noregs største byggherreorganisasjonar? Då er dette jobben for deg! 

Fellesprosjektet Arna - Stanghelle (FAS) er Noregs største tunnelprosjekt og eit samarbeidsprosjekt mellom Statens vegvesen og Bane NOR. Det skal byggast nesten 80 km tunnel som eit tunnelsystem for veg og bane. Prosjektet omfattar to nye jernbanestasjonar og nye kryssløysingar for veg i dagsonene. Forberedande arbeider pågår og byggestart er planlagt i 2026. Prosjektet vil bli gjennomført med felles organisering, prosjektering og bygging av Statens vegvesen og Bane NOR.

Du finn meir informasjon om prosjektet her: Fellesprosjektet Arna - Stanghelle (https://www.vegvesen.no/vegprosjekter/europaveg/e16banearnastanghelle/)

Om stillinga

 

I entreprisen skal det byggast om lag 20 km med ny veg- og jernbanetunnel på strekninga Trengereid - Vaksdal. I tillegg kjem av- og påkøyringsramper, felles rømningstunnelar mellom veg og bane og etablering av eit større vegkryss i Trengereid.

Som Byggeleiar vil du få ansvar for den første av dei store hovudentreprisane, og du vil ha resultatansvar innan økonomi, framdrift, kvalitet og HMS for din entreprise. Usikkerhetsstyring innan din entreprise vert viktig. Du skal rapportere status i tråd med prosjektets rutiner. Du vil ha ansvar for at det vert planlagt og gjennomført nødvendige prosjekteringsmøter, byggemøter, samt øvrige interne og eksterne møter. Du skal leie eit team med kontrollingeniørar og skal sørge for at alle arbeida gjennomførast i tråd med prosjektmåla for sikkerheit, økonomi, framdrift, klima og miljø, og til rett kvalitet. Dette krev at du er systematisk og proaktiv og har god forståing av byggherrerolla.

Kvifor skal du velja oss?

 

Som tilsett FAS blir du ein del av både Statens vegvesen og Bane NOR. Prosjektet har lang varigheit, 12-14 år.

Dette gjer ei  unik moglegheit til å jobbe for to av Noregs største byggherrar samstundes. Her vil du påverke samfunnsutviklinga til eit svært etterlengta samferdselsprosjekt, der vi skal prosjektere og bygge både ny veg og bane i eit skredfarleg område. Som tilsett i Statens Vegvesen vil du bli teke godt imot, og du blir ein del av eit fellesskap.

Vi tilbyr deg også desse goda:

• Ei viktig, utfordrande og ansvarsfull rolle i et svært spennande prosjekt.
• Ansvar og fagleg oppfølging, hos to av Norges største byggherrar samtidig.
• Et sterkt fagleg nettverk i SVV og Bane NOR med gode moglegheiter.
• Fleksitid og avspasering - vi veit at balansen mellom arbeid og fritid er viktig, og vi tilbyr fleksible arbeidstider.
• God pensjonsordning og lån - trygg fremtid med gode pensjonsordningar og gunstige lån.
• Trening i arbeidstida - moglegheiter for trening i arbeidstida eller støtte til treningsaktivitetar.
• Fagleg påfyll - mange moglegheiter for kurs og vidareutdanning.
• Meir om gode som tilsett på våre nettsidar: Ansattgoder | Statens vegvesen (https://www.vegvesen.no/om-oss/jobb/hvorfor-jobbe-i-statens-vegvesen/ansattgoder/)

Arbeidsstad er Bergen sentrum men vil være anleggskontor i Arna når dette er etablert.

Heimekontor etter nærmare avtale. Lønna di blir avtalt i samsvar med lønnspolitikken vår.

Kvalifikasjonskrav

 

Du må ha:

• Minimum 3-årig utdanning frå universitet eller høgskole innan bygg og anlegg eller prosjektleiing. Lang erfaring kan kompensere for manglande formell utdanning.
• Erfaring med bygge- eller anleggsleiing frå tunnelentrepriser
• Erfaring med kontraktsarbeider, fortrinnsvis utføringsentrepriser
• Du har førarkort klasse B

Du kjennar deg også igjen i fleire av desse punkta:

• Erfaring med modellbasert gjennomføring
• Du er initiativrik og evner å arbeide sjølvstendig
• Du er strukturert og oppteken av resultat
• Du samarbeider godt med andre
• Du har god norsk munnleg og skriftleg formidlingsevne.
• Du er komfortabel med å jobbe på digitale plattformar

Dersom du har teke heile eller delar av utdanninga di i utlandet, tilrår vi ei autorisert omsetjing av papira og godkjenningane dine frå HKDIR:  Godkjenning av utenlandsk utdanning - jobb i Norge | HK-dir (https://hkdir.no/utdanning-fra-utlandet)

Vi vektlegg motivasjon og engasjement for stillinga og samfunnsoppdraget vårt.

Som tilsett i Statens vegvesen er det dessutan viktig at du er tryggingsmessig skikka og har god dømmekraft, pålitelegheit og lojalitet.

Om søknadsprosessen

 

Krav til søknaden

Vi har gjort det enklare for deg! I staden for eit tradisjonelt søknadsbrev, ber vi deg svare på nokre relevante spørsmål. Hugs å fyll ut felta for "Utdannelse" og "Arbeidserfaring", og last opp vitnemåla dine og eventuelle attestar. Dette hjelper oss med å få eit godt bilete av bakgrunnen og kvalifikasjonane dine.

Testar og bakgrunnssjekk

For å sikre at vi finn den beste kandidaten, kan vi bruke arbeidspsykologiske testar som ein del av rekrutteringsprosessen vår. Testane gir verdifull innsikt i eigenskapane og ferdigheitene dine, og bidreg til ei rettferdig og objektiv vurdering.

Som ein del av rekrutteringsprosessen gjennomfører vi bakgrunnssjekk i samarbeid med ein ekstern leverandør. Bakgrunnssjekk skjer alltid med samtykket på kandidaten, og tilsetjing føreset godkjend bakgrunnssjekk.

Positiv særbehandling

Vi i Statens vegvesen verdset mangfald og ønskjer å skape ein inkluderande arbeidsplass. Vi oppmodar alle kvalifiserte kandidatar til å søkje. Om du har ei funksjonsnedsetjing, hol i CV-en eller innvandrarbakgrunn, vil du få moglegheit for positiv særbehandling.

Søkjarlista er offentleg

Dersom du ønskjer å reservere deg frå oppføring på offentleg søkjarliste, må du grunngi dette. Vi tek kontakt med deg dersom vi ikkje kan komme ønsket ditt i møte.

Statens vegvesen er hjartet i Noregs vegsektor, og vi jobbar kvar dag for å sikre eit effektivt, trygt og heilskapleg transportsystem. Som den største aktøren innan vegtransport i Noreg, har vi ansvaret for riks- og europavegane, samt tryggleiken til alle som ferdast langs vegen. Vårt oppdrag er å planleggje, byggje, drifte og vedlikehalde denne kritiske infrastrukturen.

Vi utviklar regelverk og standardar som gjeld for alle vegeigarar i Noreg, og gjennom vårt arbeid med trafikantar og køyretøy, ny teknologi og digitale tenester, sørgjer vi for at både folk og næringsliv har tilgang til enkle, effektive, trygge og miljøvennlege transportmoglegheiter.

Statens vegvesen består av to forvaltningsnivå – eit direktorat og seks landsdekkande divisjonar, som saman jobbar for å gjere vegane våre betre for alle.