Vi har fått nye og spennande oppdrag, og ynskjer å styrke laget med prosjektleiar/anleggsleiar både i Nordfjord og på søre Sunnmøre. Veidekke har eit sterkt fokus på menneska i organisasjonen og forventar at du er med og bidreg til å gjere oss betre som organisasjon. Vi har stort fokus på innovasjon og samarbeider både på tvers av prosjekt og distrikt.

Vi jobber primært med prosjekt innan private næringsbygg, bustader, offentlege formålsbygg og anleggsrelaterte prosjekt innan energi og landbasert oppdrett.

Profil

Som prosjektleiar har du ansvaret for prosjektet du jobbar i. Det betyr at du skal legge til rette for at alt går som det skal, frå kontrakt til økonomistyring, kvalitetssikring og miljøomsyn. I tillegg får du delta i tilbodsarbeid og prosjektutvikling.

Du leier dialogen med kundane, passer på at teamet ditt har det bra og sørger for framdrifta i prosjektet. Du held også auge med bemanning, HMS og innkjøp. Du vil jobbe i team saman med dyktige medarbeidarar i Veidekke og leverandørar/UE/rådgjevarar. Som prosjektleiar inngår du i vårt PL-nettverk.

Som anleggsleiar har du ansvar for å planlegge og skape god og sikker drift på prosjektet, og vil ha det overordna ansvaret for at alt fungerer som det skal. Du vil sjølvsagt få solid støtte frå prosjektorganisasjonen vår, men det er ditt ansvar å sørge for at prosjektet vert drive etter riktig framdrift og at produksjonen går etter planen. Dette betyr at du må ha god styring på planlegging, økonomi, kontrakt, bemanning, HMS- og kvalitetsarbeid i prosjektet. Du har også leiaransvaret for våre medarbeidarar på prosjektet. Hos oss vil du få styre alt frå mindre jobbar til store og kompliserte prosjekt, og planlegginga vil sette store krav til deg som anleggsleiar.

Kvalifikasjonar

Vi søker deg som har både ein teoretisk bakgrunn og byggeteknisk erfaring. Vi tenker at fylgjande er sentrale områder du kjenner deg att i, trivast med og vert utfordra av:

• Godt humør, stå-på-vilje, likar å jobbe i team – flink med folk!

• Inspirerande leiar, kreativ og strukturert

• Bachelor/Master innan byggfag eller teknisk fagskule

• Brei teknisk kompetanse og erfaring frå entreprenør og større byggeprosjekt
• Totalentreprise, samspelsentreprise, generalentreprise

• God kommersiell forståing

• God muntleg og skriftleg framstillingsevne, i tillegg til aktiv bruk av digitale verktøy

• Gode norskkunnskaper

• Trivast både i felten, på brakka og kontoret

Vi ynskjer å få med deg som har tru på eiga gjennomføringsevne. Du tek eigarskap til prosjekta, evner å motivere, ser mulegheiter, er resultatbevisst og kreativ. Det er viktig at du er initiativrik og handlekraftig. I Veidekke får du ansvar om du tek ansvar. Gode idear, godt samspel og involvering er sentrale tema hos oss, og du må ynskje å utvikle deg sjølv og teamet du jobbar i. Kort fortalt: Du er ein leiar med stort pågangsmot, er beslutningsdyktig og ein god lagspelar.

Vi tilbyr

Hos oss blir du ein del av eit miljø der vi ler mykje og støttar kvarandre gjennom tjukt og tynt. Her deler vi kunnskap, leverer gode resultat og veks saman. Og ja, vi har det skikkeleg kjekt undervegs.

Du får jobbe med spennande prosjekt i Nordfjord eller på søre Sunnmøre og resten av distriktet saman med trivelege kollegaer i eit sterkt fagleg miljø. Vi ynskjer å vere ein organisasjon der alle blir sett, med stor fridom og høve for involvering og utvikling. Ein får ansvar og tillit, og kunde, HMS og kontinuerleg forbetring står øvst på agendaen.

Du får konkurransedyktige vilkår, inkludert bonusordning, aksjeordning for medeigarskap, og gode pensjons- og forsikringsordningar. Vi har bedriftshytter og ulike sosiale arrangement.

Har du spørsmål eller vil vite meir om stillingane? Vi tek gjerne ein prat med deg.