Arbeidet startar først på Helle, og omfattar reinsk og sikring av fjellskjeringar og andre tiltak for å sikre dei framtidige anleggsområda. Det er berekna at arbeida vil ta om lag eitt år. Nordisk Fjellsikring AS utfører arbeidet på vegne av Fellesprosjektet Arna–Stanghelle.

Kolonnekøyring på dagtid

I første omgang blir det ei kort strekning med kolonnekøyring med ledebil mellom Lågaskarstunnelen og Helle. På denne strekninga vil kun eitt køyrefelt vere ope. Trafikantar må rekne med kortvarig stans i trafikken på inntil 15 minutt i påvente av ledebil. Kolonnekøyringa i dei første to vekene vil være måndag til torsdag frå klokka 07:00 til 19:00 og deretter frå måndag til laurdag frå klokka 07:00 til 19:30.

Slik held du deg oppdatert på trafikkmeldingar

Det vil kome endringar i kolonnekøyringa fram mot sommaren. Oversikt over kolonnekøyring og anna arbeid på strekninga og oppdaterte vegmeldingar er tilgjengeleg på vegvesen.no/trafikk.

Prioriterar å ferdigstille arbeid som krev kolonnekøyring først

Arbeidet på Stanghelle og Helle er venta å vere ferdig i løpet av november. Arbeid som krev kolonnekøyring på E16 vert prioritert og er venta ferdig i slutten av august.

Årsaka til at det  vert kolonnekøyring er at områda det skal verte arbeidd i ligg tett på E16 og at det i periodar kan vere fare for nedfall i samband med sikringsarbeidet.