Bakgrunn:

Nye Veier AS si bruportefølje er aukande i takt med at selskapet sidan oppstarten i 2016 har dobla veglengda si. Per november 2025 har selskapet ansvar for 163 bruer. I tillegg har selskapet 145 bruer under planlegging eller bygging. Bruportefølja består i hovudsak av nyare bruer med høg trafikkmengde. Frå 2027 og 2028 vert bruportefølja ytterlegare utvida og endra ved at Nye Veier AS mellom anna overtek ansvar for om lag 170 eldre bruer på riksveg 13 og europaveg 136.

Målet med tilsynssaka har vore å undersøke om Nye Veier AS

• planlegg og gjennomfører hovud- og enkeltinspeksjon av bru i samsvar med krav.
• påser at hovudinspeksjon blir utført av personell med kompetanse og erfaring i samsvar med krav.

Hovudfunn:

• Planar for hovudinspeksjonar vart utarbeidd i samsvar med krav for 94 prosent av bruene, og hovudinspeksjon vart gjennomført på 89 prosent av bruene.
• Planar for enkelinspeksjonar vart utarbeidd i samsvar med krav for 98 prosent av bruene, og enkelinspeksjon vart gjennomført på 97 prosent av bruene.
• Vegtilsynet si vurdering er Nye Veier AS har god oversikt over og grunngjeving for kvifor det enten mangla inspeksjonsplan eller var planlagt hovudinspeksjon med lengre intervall enn kravet i Håndbok R411. Dette er i hovudsak knytt til at bruene har vore del av større utbyggingsprosjekt eller skal rivast.
• Krav til kompetanse og erfaring for personell som utfører hovudinspeksjonar er ivareteke gjennom kontraktar, årlege oppstartsmøte og observasjon ved inspeksjonar.