Prosjektet er ein del av den andre etappen av utbygginga mellom Roa og Lygna på riksveg 4. Den om lag 3,8 kilometer lange strekninga har no blitt breiare mellom Sandvoll og Amundrud. Køyretida mellom Roa og Lygna blir om lag åtte minutt kortare.

– Den nye vegen står klar sju månader før tida, og det ser ut til at prisen vert lågare enn ein først hadde rekna med. Dette er gode nyheiter, og ein raskare og tryggare veg er bra for både vanlege folk og næringstransporten, seier Bjelland.

Det trafikkfarlege Mohagenkrysset blir tryggare med etablering av akselerasjonsfelt, samtidig som strekninga får midtrekkverk.

– Eg trur og håper den nye vegen vil bidra til eit styrka Hadeland, med fordelane det vil gje både lokalt, regionalt og nasjonalt, avsluttar Bjelland.