Avtalen omfattar strategiske og operative tenester innan relasjonsbygging, politisk påverknadsarbeid, marknadsføring, medlemspleie og prosjektgjennomføring. Målet er å sikre kontinuitet i drifta og styrkje Fjordvegen sitt arbeid som pådrivar med rassikring, standardheving, sikker heilårsopen veg og utvikling av berekraftige transportløysingar.

– Dette samarbeidet gir oss tilgang til verdifull kompetanse og eit sterkt nettverk. Hans Inge har solid erfaring med utviklingsarbeid og politiske prosessar og vil bidra til å løfte Fjordvegen sitt arbeid, seier styreleiar i Fjordvegen riksveg 13 Marta S. Vange.

– Vi står framfor viktige oppgåver knytt til rassikring, standardheving og synleggjering av riksveg 13. Med denne avtalen får vi ein handlekraftig leiar som kan koordinere innsatsen på tvers av kommunar og i samarbeid med næringslivet.

Satsing på tryggleik og infrastruktur

Riksveg 13 er ei av dei viktigaste transportårene på Vestlandet, men står framfor store utfordringar knytt til rassikring og standardheving. Gjennom samarbeidet skal organisasjonen styrkje påverknadsarbeidet i politiske prosessar og sikre ressursar til kritiske prosjekt.

Opplevingsveg og reiseliv

Riksveg 13 er ikkje berre ein transportveg – han er òg ein av Noregs vakraste opplevingsruter. Med den nye avtalen blir det sett ekstra fokus på marknadsføring, synleggjering og utvikling av berekraftige mobilitetsløysingar for turistar.

Mobilisering av næringslivet

Avtalen legg til rette for tettare samarbeid mellom kommunar og næringsliv. Målet er å skape meirverdi for medlemmane og sikre kontinuitet i drifta, slik at Foreininga Fjordvegen riksveg 13 kan nå sine strategiske mål.

Hans Inge Myrvold gler seg til å starte arbeidet for medlemmene, næringsliv, kommunar og fylkeskommunar:

– Eg ser fram til å bidra til å styrkje riksveg 13 som ei sentral transportåre og opplevingsveg. Dette er eit arbeid som betyr mykje for både næringslivet og lokalsamfunna langs ruta.

– Gjennom samarbeidet kan vi kombinere ressursar og kompetanse for å sikre framdrift i viktige prosjekt og skape meirverdi for medlemmane våre.